Алматыда ұлттық аң аулау турнирі өтті

Алматыда құстармен аң аулау бойынша турнир өтті. Мұнда өз шеберліктерін көрсетуге Қазақстан, Қырғызстан, Қытай және Моңғолиядан келген бүркітшілер, сондай-ақ қырандары мен сұңқарларын ала келген шебер-аңшылар жиналды.

Турнирдің кәсіби төрешілері қатысушыларды ептілігі, аң аулау шеберлігі мен құстардың ұшу биіктігіне қарай бағалады.

БАҒДАТ МУПТЕКЕККЫЗЫ, ЖАРЫСТЫҢ БАС ТӨРЕШІСІ:

- Құстардың бабы жақсы. Олар барлық жаттығуларда жоғары ұпай алуда.

Ұйымдастырушылардың айтуынша, мұндай іс-шара ұлттық салт-дәстүрлердің рухани жандануына ғана емес, сонымен қатар республикаға туристер ағынын тартуға ықпал етеді.

Авторы: Ақзер Сегізбаева

Фото: tengrinews.kz