Батыс Қазақстан облысында балық аулаудан жарыс өтті

Батыс Қазақстан облысында балық аулаудан жарыс өтті

Батыс Қазақстан облысының Теректі ауданында әуесқой балықшылар арасында жарыс өтті. Сайысқа Ақжайық өңірінен он шақты команда қатысты. Таңғы 6-да басталған шара сағат 11-де аяқталды. Берілген 5 сағаттың ішінде 9 келі балық аулаған Федеровка ауылының тобы жеңімпаз атанды. «Мақсат – жастарға балық аулау мәдениетін баулу және өз өңіріміздің көрікті жерлерін көрсетіп, ішкі туризмнің дамуына ықпал ету», дейді ұйымдастырушылар.

 

Жанболат ЖОЛАҚОВ,  САРЫӨМІР АУЫЛДЫҚ МӘДЕНИЕТ ҮЙІНІҢ ДИРЕКТОРЫ:

Мақсатымыз салауатты өмір салтын насихаттау. Табиғат пен адам арасындағы байланысты нығайту. Қатысушылар арасында бірлік қарым-қатынасты орнату. Ішкі туризмді дамыту және балық аулау мәдениетін қалыптастыру. Оның заңды құқықтық негіздерін өскелең ұрпаққа жария ету.

 

Жанна ӘУБӘКІРОВА,  ШАҒАТАЙ АУЫЛЫНЫҢ ТҰРҒЫНЫ:

Келесі жылы Шағатай ауылында да өткізсек пе деген ой тастап жатырмыз. Негізі осы жастардың арасындағы әр түрлі жағдайларға байланысты осыған жастарды көп баулу керек, ауылдың жастарын.

 

 

 

Сурет: www.inform.kz


×