Алтын ба, теңге ме?

Теңге туралы не білеміз? Алтын ба, теңге ме? Тәуелсіз Қазақстанның тұңғыш валютасын жасауға атсалысқан кімдер?

93 –ші жылдың тамызында Ресей жеке ақша реформасын жасап, айналымнан ескі банкноттардың барлығын алып, орнына жаңасын шығарды. Қазақстанға реформа туралы үш күн бұрын қалғанда ғана хабарлады. Бұл жас республика экономикасына тағы бір соққы болып тиеді. Елге Әзірбайжан, Қырғызстан, Түркмен мен Ресейдің ескі рубльдері ағылды. Аталған елдердің азаматтары Қазақстанға заңсыз түрде миллиондаған валютаны қаптап тасыды да көздеріне көрінген түрлі тауарды сатып алып жатты.