Казакстанда COVID-19 илдетине чалдыккандардын саны 13 319 адамды түздү

Акыркы бир сутка ичинде Казакстанда 3 адам коронавирустан көз жумду. Эки маркум Түркестан облусунан жана бирөө Павлодар облусунан болгон. Ошентип, өлкөдө COVID-19дан каза болгондордун саны 61 кишиге жетти.

Мындан тышкары, акыркы 24 саатта илдетке 245 адам чалдыккан. Өсүш 1,9% түздү. Инфекция жуктуруу учурларынын көбү Нур-Султанда (+50), Караганды облусунда (+35) жана Актөбө облусунда (+26) катталган. Бул тууралуу Саламаттык сактоо министрлиги кабарлады. Жалпысынан өлкөдө COVID-19 диагнозу коюлган бейтаптардын саны 13 319 адамды түздү.

Аймактар боюнча эпидемиологиялык абал төмөндөгүдөй:

Алматы - 2939 (+35)

Нур-Султан  - 2543 (+23)

Караганды - 1238 (+50)

Атырау облусу - 1227 (+5)

Шымкент шаары - 992 (+14)

Батыш Казакстан - 863 (+18)

Кызылорда - 470 (+5)

Жамбыл - 457 (+16)

Алматы облусу - 457 (+11)

Актөбе - 427 (+26)

Түркестан  - 411 (+8)

Маңгыстау - 343 (+12)

Павлодар  - 286 (+2)

Костанай - 208 (+3)

Чыгыш Казакстан облусу - 204 (+5)

Акмола облусу - 182 (+5)

Түндүк Казакстан  - 72 (+7).

Айыгып чыккандар - 8015.

Кулжа айынын 9дагы абал боюнча жалпы статистикага кошулбаган коронавирус илдетинин белгилери жок 440 ооруну алып жүрүүчү катталды. Алардын жалпы саны – 2136 адам.

Фото: m24.ru